الدواجن :-
الدواجن هي المصطلح الجمعي لسلاله الطيور المستأنسة الي احنا بنربيها عشان نستفيد من لحمها في الاكل
ذي الفراخ و البط و الأوز و الحمام و الديك الرومي
و طبعا الدواجن بوجه عام هي الاقل تكلفه والاكثر في تعدد الاستخدامات بين جميع اطعمه الاطباق الرئيسيه .
عشان كده لازم نبقي عارفين اذاي نقدر نختار و نشتري الدواجن و اذاي نقدر نخزنها بالشكل الصحيح و السليم عشان نضمن سلامه و صحه الاسره.
* الدجاج و الديك الرومي من اخطر انواع الدواجن الي ممكن تتعامل معاها و ده عشان بيكون موجود فيها بكتيريا ( السلمونيلا) ودي من اخطر انواع البكتريا الي ممكن تدر الانسان
عشان كده لازم لما اشتري الدجاج و الديك الرومي لازم اشتريها من حد موثوق فيه عشان ابقي ضامن و متاكد انها سليمه .
و لو هشتري دجاج مجمد يبقي لازم اخلي بالي كويس ان الكيس الي متعبي فيه الدجاج يكون مقفول باحكام و مفهوش اي فتحات عشان ممكن الفريزر يعملي حروق علي اللحم . غير ان ممكن كمان الاكسجين ممكن يساعد علي نشاط البكتيريا داخل العبوه الغير محكمه الغلق و الغير مفرغه من الهواء و خصوصا في ظل وجود رطوبه . عشان كده لازم ناخد بالنا كويس جدا .
*نيجي بقي لجزئية اذاي نخزن الدواجن
نقدر اننا نخزن الدواجن الطازجه في درجه حراره من ١ الي ٣ درجه مئويه لمده ثلاث ايام فقط اما بالنسبه للدواجن المجمده فيمكن حفظها في درجه حراره (-١٨) تحت الصفر
و بالنسبه للدواجن المجمده مينفعش اني اقوم بطهيها و هي بالشكل ده لازم افك تجمدها و ده بطريقتين و هما :-
*اول طريقه و هي دي الطريقه الصح الي لازم نستخدمها هي ان احنا لازم نحطها في درجه حراره الثلاجه الي هي من ١ الي ٥ و نخلي الثلج يذوب بشكل بطئ لمده لا تتعدي الثلاث ايام ( للدواجن كبيره الحجم المجمده ) عشان اتاكد ان الثلج كله تم اذابته حتي الداخل .
* اما بقي الطريقه التانيه و دي انا شخصيا مبفضلهاش الا في وقت الضروره يعني لو جالك ضيوف فجئه و انت مش عامل حسابك مثلا ????
اقدر اني افك تجميد الدواجن تحت ماء و عشان تعمل كده ليها شروووط
- اول شرط انك تفك التجميد او تذوب الثلج تحت ماء جااااري يعني افضل مشغل عليها الماء و هي جوه العبوه بتاعتها او الكيس بتاعها
- تاني شرط ان لازم تكون درجه حراره الماء ٢١ درجه مئويه يعني مينفعش ماء ساخن عشان ده هيساعد في انتشار البكتيريا بشكل سريع
اما بقي الشرط الرابع و ده مهم جدا جدا جدا في حالت اني استخدمت الطريقه دي فلازم استخدم الدواجن دي و تطهيرها في مده لا تتجاوز ٤ ساعات
* اما بقي بالنسبه لغسيل الدواجن بشكل عام و الدجاج بشكل خاص قبل الاستخدام فيفضل اننا ننقعها في ماء فيه خل و لميمون عشان اقدر اتخلص من اي روايح ممكن ان تصاحب الدواجن ولازم اتخلص من الماء النقع سريعا
الرجاء تسجيل الدخول لاضافة تعليق على الموضوع دخول
التعليقات